جارتي هتكون سبب طلاقي
حسبي الله ونعم الوكيل في ست جارتي اللي هتبقى سبب في طلاقي من جوزي انا بعت المشكله هنا عند صفحه ازواج لكن سعداء ازواج لكن سعداء عشان عارفه ان الصفحه بتاعتكم كل تعليقاتها من ناس محترمين انا لسه ناقله في شقه جديده ما كملتش شهر واول ما جيت وانا بفرش اول يوم بالليل لقيت الباب بيخبط بفتح الباب لقيت الست اللي سـاكنه تحتيه بتقول لي انا جايه اعرفك بنفسي وعايزه اقول لك من اول يوم كده خلي بالك احنا مش عايزين ازعـاج ولا عايزين عيال صغيره تقعد تتنطط فوق راسنا انا معايا عيالي كبار وفي جامعات وكل واحد بيجي من كليته وعايز يريح وجوزي بيرجع وعايز يريح انا استغربت قوي من السـت ان هي اول يوم طلعت تقول لي الكلام ده انا معايا ثلاث اطفال بس احنا بنعيش حياتنا
عادي وبنتعامل عادي وانا كنت لسه بفـرش وهي جايه بتشتكي من صوت الفرش فقلت لها ما تقلقيش
في دماغي ومره كنت بنشر وبعدين لاحظت حاجه غريبه ان في غسيل بينقص من هدوم الولاد وهدومنا وفى بنطلون جديد بتاع جوزى اول مرة اغسله واختفى بس قلت تلاقي الغسيل بيقع مني او بيطير وما ركزتش او انا ما غسلتوش من الاساس وبعدين كذا مره انشر
ومدد ايده بعصايه مكنـسه وعمال يشد في الغسيل فانا بصراحه صرخت بصوت عالي وقلت ايه ده ايه اللي بيحصل ده اتاريه ابن الست جارتنا شاب كبير بيشـد في الملايات بتاعتي فدخلت جريت على جوزي وقلت له ااالحق ابن جارتنا بيشد الغسيل بتاعنا فقال لي معقول المهم طلع البلكونه ولقى فعلا ان الملايه مشدوده نصها مرميه عندهم على الحبال جوزي قال لي يمكن وقعت منك قلت له لا انا متاكده ان انا شفت ايد ابنها وهي بتشد الغسيل ثاني يوم اتصلت بيها وقلت لها على اللي حصل قالت لي بصراحه احنا بنعمل كده عشان انتى غسيلك بيضايقنا واحنا ما بنعرفش نقف في
حاجه المهم قالت لي خلاص انا هبعتلك الحاجات اللي احنا سحبناها ولو كررتى موضوع الغسيل المدلل هــسحبو منك تانى أتفاجأت بقى ان هي سـاحبه من عندي رصه غسيل ومن ضمنها بنطلونات جوزي الجديد اللي جوزي كان شاريه لما جوزي راجع قلت له على اللي حصل قال لي ان هو مش عايز مشاكل من حد مع وقال لي ما تنشريش تاني في البلكونه وانا ما ينفعش ان انا ما انشرش في البلكون وعايز يشتري منشر احطه جوه الشقه في الريسبشن وانا رافضه الموضوع ده عشان محتاجه غسيل اولادي وغسيلنا يشوف الشمس هو رفض وقال لي عليا الطلاق ما انت منشره في البلكونه تاني انا مش عارفه اعمل ايه ارجوكم انا بعتها لاسـتاذه غاده على صفحه ازواج لكن سعداء عشان تردوا عليا اعمل ايه
