سر التين الشوكي
الامانه على عيالك مش يمكن تكون على اي حاجه تانيه
سلمى هتكون على ايه يا خالتي
سعاد ما هي حاجه تحير يا بنتي
سلمى مش كده يا خالتي اصل انتى يا خالتي ما شفتهاش وهي عماله تبص للولاد تبصلهم كده وتقولي اولادك دول اولادك الاربعه خلفتيهم امتى عندهم كم سنه بصت على كل عيل فيهم من اول ولد الكبير خصوصى البنت الصغيره برقتلها لدرجة انها خاڤت وانا بصراحه مش عارفه اقول ايه كده قلبي اتقبض وما عرفتش ارد عليها
سعاد لا ما تخافيش يا حبيبتي ان شاء الله ما فيش حاجه قولي يا رب يا بنتي ان شاء الله مش هيجيب حاجه وحشه ربنا ما بيجيبش حاجه وحشه لحد مسكينه يمكن اعصابها فيها حاجه حتى لو مش كبيره في السن عادي البنات بتكون صغيره صغيره وبتيجيها الامړاض ربنا يشفي
سلمى المشكله ان احنا لما رحنا ما لقيناهاش كلهم قالوا انها من الصعيد مقفله ما بتتكلمش مع حد ما حدش يعرف بيتها
سعاد ايه يا محمد انت سايب مراتك كده ليه ما تهديها يا ابني ولا انت معدي بالصدفه
محمد انا من امبارح بهدي ما فيش فايده دى لا فطرتنا ولا غدتنا وانا على لحم بطني من العشا اللي اكلناه عندك امبارح قبل ما نجيب قفص التين المشؤم وهي على الحاله دي عادى واحده قالتلك خلي بالك على الامانه اللي معاكي ماشي حاضر هنخلي بالنا على الامانه حاضر الحاجات بتاعتنا البيت وعلى الاولاد وعليا على فكره هي مبعوته من ربنا عشان انتى مقصره معايا ليكي فتره انا ملاحظ الموضوع
سلمى بغيظ اش امك قاعده
محمد ايوه والله مقصره في حقي عارفه يا ماما مقصره في حقي جدا
سعاد وانت اسم
محمد شكرا دى امي على فكره دى اكتر واحده ترفع معنويات في الدنيا
سعاد انا عشان امك اكذب يعني واقولك انت جدع انت مش جدع بنت يا سوسن
سوسن ايوه يا ماما
سعاد جهزى غدا لاخوكى ومراته ما اكلوش
سوسن حاضر ياما
سلمى والله انا مش قادره اصلا اكل
سعاد ايه اللي مش قادره تاكلي والله العظيم ازعل جدا لو عتبتى باب البيت من غير ما تاكلي جوزك بيقول انك ما اكلتيش من امبارح من العشا اللي كان عندي بعدين يا اختي انا طول عمري لحد دلوقتي عمري ما حد دخل بيتي ويطلع منه جعان وما تضيعش المسيره وانا ست على اواخر ايامى ما تكسفنيش وتقعدي اوعى كده يا واد عايزه مرات ابني في كلمه يا بنت كلي واشربي كده وتشدي شويه ما حدش هينفعك غير صحتك الرساله اللي اتبعتتلك في التين دي من الست الهبله او من مين ما كان يكون حاجه المفروض نخلي بالنا على الامانه اللي معانا الامانه اللي معانا عيالنا الامانه اللي معانا جوزنا امانه اللي معانا صحتنا كل حاجه دي امانه عندنا من ربنا وهنتسال عليها بعدين يعني لما انتى ما تاكليش بقالك ٣ ايام وتفضلي تدوري على الامانه اللي عندك عشان تخلي بالك عليها ما الامانه دي هتضيع عيالك من امبارح لا اكل ولا شرب ميتين من الجوع انا اكلتهم وحميتهم ونيمتهم جوزك اهو سايب شغلو وقاعد يدور على الست انا مش هقولك ارميها وراكي وعيشي كانك ما
سمعتيش لانها مش هتحصل الموضوع لما بيوصل عند
ولادنا
محمد يا ماما ما انتى كنتى ماشيه حلو
سعاد انت رامى ودنك معانا ليه خليك عندك يلا قومي ناكل قومى
سلمى حاضر يا خالتي
وقامت تغسل ايديها
سعاد في ايه ياض مالك بمراتك من ساعه ما جيت وانت بارد الامانه اللي انت بتدور عليها دي ولادك انت كمان وربنا يستر ولا جابتهم الشارع
محمد عيالي يا ماما بس مديه الموضوع اكبر من الحجم
سعاد لا هو كبير على فكره بقى مش علشان بنهديها يبقى هو صغير لا هو كبير وكبير قوي اشمعنا انتو من بين الناس كلها اللي راحت اشترت منها والناس اللي ماشيه في الشارع اللي راحت قالتلك خلي بالك ها راعي مع مراتك ما تبقاش هم على الهم جاتك البلا وانت شبه ابوك اهو كان كده الله يرحمه الاقي صباع رجلو وما الاقيهوش
محمد ما انتى لازم تلاقي صباع رجلك يعني هيروح فين ياما
سعاد ما فيش فايده ما بتفهمش اصلا
بعد وقت محمد يلا يا شباب هنروح بينا يلا
ومشيو ورجعو بيتهم وكانو فى العربيه وسلمى شافت الست بتاعت التين بتبص من شباك البيت
سلمى الحق يا محمد الست بتاعه التين اهي قدام باب بيتنا
محمد نزل من العربيه وفضل يجري وراها
عزه ايه يا ماما في ايه ليه بابا جري ورا الست دي
سلمى لا ما فيش حاجه يا حبيبتي خليكم هنا ما تنزلوش من العربيه
ولسه هتنزل قالت لا انا مش هتحرك
وحضنت العيال بس نزلت من العربيه لما شافت محمد
قالت ادخلو جوه يا عيال الاولاد دخلو البيت
محمد هربت بنت المتضايقه كان في واحد مستنيها في العربيه ركبت وطفشو ما لحقتهاش
سلمى تهرب منك ليه امال انت بتعمل ايه ما هي كانت قدامك
محمد هى جريت قبل ما انا انزل من العربيه جريت لقيتها راكبة في العربيه ومشيت اعملك ايه يعني بعدين ما تزعقيليش
سلمى ايه ده دى حطت ورقه تانيه قدام البيت ايه اللعب بالاعصاب ده يا محمد انا خاېفه
محمد بضيق وريني الورقه دي وريني عشان هي هتطلع تخاريف في الاخر اصلا عندك اربع امانات تلاته بتوعك وواحده مش بتاعتك جيه وقت ترجعيها
سلمى بزعر مش بقولك على ولادي يا مصېبتي يعني في واحد في العيال دي مش ابننا يعني فيهم واحد مش ابني يا مصبتي يا لهوي لا انا جبتهم كلهم كلهم ولادي دول ولادي وايه جيه الوقت اللي ترجعي فيه الامانه كمان هياخدوه مني كمان هياخدوه مني لا ما حدش هياخد ولادى يا محمد دا انا اموت فيها دى كدابه صح كدابه
محمد اهدى يا عمرى ما حدش هياخد منك اولادك انا معاكي مش هخلي حد يقربلك والله العظيم ما هسيبهم يا خدو ابننا دول كلهم اولادنا تمام اهدي
سلمى ببكى يلا بينا نهرب دول ولادى اربعه مش عايزه اعرف حقيقه تانيه غير كدا صح احنا نهرب من هنا يلا نهرب
محمد سلمى اهدى شويه وركزى نهرب نروح فين ونسيب بلدنا واهلنا وحياتنا بعدين الاولاد دول لو فيهم واحد مش ابنك يبقى ابنك في حته تانيه
سلمى مش عايزاه خليهولهم انا دول اللي جبتهم
دول اللي ربتهم
منهم حد يا محمد
